گفت‌وگوی تلفنی نخست‌وزیر پاکستان و رئیس‌جمهوری تاجیکستان

به گزارش آتیه‌آنلاین به نقل از طلوع نیوز، نخست‌وزیر پاکستان و رئیس‌جمهوری تاجیکستان ‌در یک گفت‌وگوی تلفنی بر تامین صلح و ثبات در افغانستان تاکید کردند. در این گفت‌وگو «عمران خان»، نخست‌وزیر پاکستان و «امام‌علی رحمان»، رئیس‌جمهوری تاجیکستان، همکاری‌های دو کشور را برای تامین صلح و ثبات در افغانستان مهم دانستند. دفتر نخست‌وزیری پاکستان طی بیانیه‌ای اعلام کرد که عمران خان طی این تماس عنوان کرده که جامعه جهانی برای رسانیدن کمک‌های بشردوستانه به افغانستان نقش مهمی دارد. در بیانیه همچنین آمده است: «رهبران پاکستان و تاجیکستان توافق کردند که تماس‌شان را در جهت ادامه هماهنگی تلاش‌های‌شان در پشتیبانی از صلح و ثبات در افغانستان، ادامه بدهند.»