درخواست روسیه برای حل اختلاف طالبان و تاجیکستان

به گزارش آتیه‌آنلاین به نقل از بی‌بی‌سی، روسیه از تاجیکستان و افغانستان خواسته که هر نوع اختلاف میان دو کشور را به طرز قابل قبول به هر دو طرف، حل کنند. خبرگزاری دولتی روسیه (تاس) به نقل از وزارت خارجه این کشور اعلام کرد که روسیه در جریان گزارش‌هایی مبنی بر اعزام نیرو در مرز مشترک میان دو کشور قرار گرفته است. «الکسی زایتسف» سخنگوی وزارت خارجه به این خبرگزاری گفته است: «ما با نگرانی شاهد افزایش تنش‌ها در روابط تاجیکستان و افغانستان و تبادل بیانیه‌های شدید از سوی رهبری دو کشور هستیم». ویگفته است که بر اساس اطلاعاتی که طالبان به دست داده‌اند، ده‌ها هزار نیروی ویژه این گروه به ولایت تخار، در شمال‌شرق افغانستان، در مجاورت تاجیکستان اعزام و مستقر شده‌اند.